أنا
مش شاعرة لكن ساعات
بحس بحاجات
وتخدنى الحاجات
وتجيبنى الحاجات
أقول كلمات
تصدق ف قبلى حاجات وحاجات
وساعات ألاقى نفسى بتصرخ
ويملى صراخى المسافات
وساعات يخدنى السكات
يكتم ع الكلمات
أحس إنى وحيدة
ف دنيا من غير آمالى
من غير كلامى
من غير همسى
ساعتها بس بكون مع الذكريات
ساعتها أدور ع اللى فات
وأقول ياريته يرجع ياريته
يملى بحياتى آهات
مش عشمى بس ف البسمات
لكن بقول ياريت ياريت يكون
ياريت يعود ليا اللى فات
ليست هناك تعليقات:
إرسال تعليق